Empowering Girls in STEM Mongolia охидыг чадавхжуулах хөтөлбөр Улаанбаатарт Empasoft Institute of Technology дээр өнөөдөр амжилттай эхэллээ. Энэхүү хөтөлбөрт нийслэлийн ЕБ-ын 25 сургуулийн 11-12 дугаар ангийн 30 охин 310 өрсөлдөгчөөс шалгарч оролцох эрхтэй болжээ. Тэд 8 долоо хоногийн турш шинжлэх ухаан, технологийн туршилт хийх воркшопууд, код бичих, цахим орчин, мэдээллийн аюулгүй байдал, дижитал бүтээгдэхүүн үйлдвэрлэх талаар анхан шатны ур чадвар эзэмшиж, үндэсний томоохон компаниудад зочилж, олон улсад мэргэшсэн менторуудтай уулзах юм.
Хөтөлбөрийг “шинжлэх ухаан, технологийн туршилтууд” Hands-on workshop-оор эхлүүлж байгаадаа тун их баяртай байна. Erdenesuvd Enkhtaivan багшдаа баярлалаа.
Цаасан болон даавуун цахилгаан хэлхээ
Цахилгаан дамжуулагч оёдлын утас, даавуу, скоч, гэрлийн диод, мини мотор, зоосон батерей, соронз, reed switch зэргийг ашиглан бид цаасан болон даавуун материал дээр цахилгаан хэлхээ хийж туршиж эхэллээ. Маргааш бид хүүхэлдэй оёж, даавуун дээр физикийн туршилт дадлага хийнэ.
Даавуун хүүхэлдэй, ЛЕД гэрэл
Охид маань өөрсдийн хүссэн загвараар даавуун хүүхэлдэй урлаж, түүнийгээ цахилгаан дамжуулдаг даавуу мөн утас ашиглан цахилгаан хэлхээ үүсгэж, ЛЕД гэрлээр чимэглэлээ. Ирэх долоо хоногт ЛЕД гэрлүүдээ С хэл дээр кодлож, багаараа тусгай даалгавар гүйцэтгэн хөгжилдөх болно.
Ийм санаачилга гаргасан TESO Group, Women in Tech Mongolia, Empasoft Institute of Technology, мөн дэмжин ажиллаж буй UNICEF Mongolia байгууллагуудад талархал илэрхийлье.